ጥርሴ ቀድሞ ነጭ ነበር፤ አሁን ግን ለምን ቀለሙ ተቀየረ?” የሚለው ጥያቄ በክሊኒካችን በብዛት ከሚጠየቁ ጥያቄዎች አንዱ ነው። የጥርስ ቀለም መቀየር በሁለት ዋና ዋና ምክንያቶች ሊከሰት ይችላል፦ ከውጭ የሚመጡ (Extrinsic) እና ከውስጥ የሚመጡ (Intrinsic) ምክንያቶች።
1. ከውጭ የሚመጣ የቀለም ለውጥ (Extrinsic Staining)
ይህ ማለት በጥርስ የውጭኛው ክፍል (ኢናሜል) ላይ የሚከሰት የቀለም መከማቸት ነው።
- ቡና እና ሻይ፦ በውስጣቸው የሚገኘው “ታኒን” የተባለ ንጥረ ነገር ጥርስ ላይ ነጠብጣብ ወይም ቢጫ ቀለም ይፈጥራል። በብዛት ቡና የሚጠጡ ሰዎች ጥርሳቸው በፍጥነት ቀለሙን ይለውጣል።
- ትምባሆ/ሲጋራ፦ ሲጋራ ማጨስ ጥርስ ላይ ጥቁር ወይም ቡናማ ቀለም እንዲቀመጥ ያደርጋል።
- ምግቦች፦ ቀይ ሽሮ፣ በርበሬ እና ቀይ ወይን በጥርስ ላይ ቀለም የማስቀመጥ እድላቸው ከፍተኛ ነው።
መፍትሄው፦ በየስድስት ወሩ የሚደረግ የባለሙያ የጥርስ ጽዳት (Scale and Polish) እና ጥርስን ነጭ የማድረግ ሕክምና።
2. ከውስጥ የሚመጣ የቀለም ለውጥ (Intrinsic Discoloration)
ይህ ቀለም የሚጀምረው ከጥርሱ ውስጣዊ ክፍል ሲሆን፣ ዝም ብሎ በጽዳት አይለቅም።
- የጥርስ ሥር ሕክምና (Root Canal)፦ የጥርስ ሥር ሕክምና ከተደረገ በኋላ ጥርሱ ነርቭ ስለማይኖረው ቀስ በቀስ ወደ ግራጫ ወይም ጥቁር ቀለም ሊቀየር ይችላል።
- መድኃኒቶች፦ ሕፃናት እያሉ “ቴትራሳይክሊን” የተባለ አንቲባዮቲክ መውሰድ የጥርስን ቀለም በቋሚነት ሊቀይረው ይችላል።
- ፍሎሮሲስ፦ በውሃ ውስጥ የሚገኝ ከፍተኛ የፍሎራይድ መጠን ጥርስ ላይ ነጭ ነጠብጣብ ወይም ቡናማ መስመር ሊፈጥር ይችላል።
መፍትሄው፦
- ውስጣዊ ማብራት (Internal Bleaching)፦ የሥር ሕክምና የተደረገላቸውን ጥርሶች ከውስጥ ነጭ የማድረግ ልዩ ዘዴ።
- ቬኒር ወይም ዘውድ (Crown)፦ ቀለሙ በጣም የጠቆረ ከሆነ ጥርሱን በቬኒር ወይም በዘውድ በመሸፈን ሙሉ ለሙሉ ነጭ ማድረግ ይቻላል።
መቼ ወደ ኖቮ ኬር መምጣት አለብዎት? የጥርስዎ ቀለም መቀየር ከጀመረ ምክንያቱን ለማወቅ ወደ ባለሙያ መምጣት አስፈላጊ ነው። ምክንያቱ ሳይታወቅ የሚደረግ ሕክምና ውጤታማ ላይሆን ይችላል። በኖቮ ኬር ቀጠሮ በመያዝ ነፃ የጥርስ ምርመራ ማድረግ ይችላሉ።
ኖቮ ኬር የጥርስ ሕክምና ማእከል — ቦሌ መንገድ፣ ተስፋዬ ግዛው ሕንጻ። ዛሬውኑ ይደውሉ!